Прэзідэнт Беларусі Аляксандр Лукашэнка 31 жніўня сабраў пасяджэнне Савета бяспекі.

Прэс-служба Прэзідэнта Рэспублікі Беларусь

Для разгляду на мерапрыемстве вынесены шэраг пытанняў, накіраваных на гарантаванне нацыянальнай бяспекі Беларусі.

"Напружаная абстаноўка ў свеце і непасрэдна каля нашых граніц, санкцыйны націск не даюць нам магчымасці быць абсалютна спакойнымі і ўпэўненымі ў заўтрашнім дні, - сказаў Аляксандр Лукашэнка. - Краіны НАТА настойліва прасоўваюць палітыку свайго пашырэння, нарошчваюць ваенную прысутнасць вакол Беларусі, пастаянна праводзяць правакацыйныя вучэнні на нашых межах, ды і іншыя дзеянні".

"Свае дзеянні яны апраўдваюць нейкімі пагрозамі, якія нібыта зыходзяць з тэрыторыі Беларусі. Кіраўніцтва Польшчы і краін Балтыі абвінавачвае Беларусь у нейкіх міфічных агрэсіўных намерах, якіх ніколі не было і быць не можа", - дадаў Аляксандр Лукашэнка.

Прэс-служба Прэзідэнта Рэспублікі Беларусь