Прэзідэнту было дакладзена, што на гэты момант убрана 13 працэнтаў плошчаў, сярэдняя ўраджайнасць збожжавых вырасла ва ўсіх абласцях. Як адзначыў Міністр сельскай гаспадаркі і харчавання Ігар Брыло, з улікам вынікаў гэтага года плануецца істотна павялічыць плошчы пасеваў азімага ячменю.

Прэс-служба Прэзідэнта Беларусі

Кіраўнік дзяржавы падкрэсліў, што важна не забалбатаць тэму азімага ячменю і растлумачыў, чаму апошнім часам звяртае ўвагу менавіта на гэту культуру. "Для нас азімы ячмень - выратаванне. Ён трапляе ў той перыяд вегетацыі, калі ёсць нейкая вільгаць, - адзначыў Прэзідэнт. - Асабліва на паўднёвых рубяжах. У Гомельскай вобласці трэба спрабаваць, калі вільгаці не хапае". Такім чынам, зімавы ячмень можна прыбіраць раней, чым іншыя збожжавыя каласавыя культуры і больш раўнамерна задзейнічаць тэхніку. І хоць азімы ячмень - культура няпростая і патрабавальная, але пры правільным тэхналагічным падыходзе можна разлічваць на высокі ўраджай. Так, на прэзідэнцкіх палях сёлета ўраджайнасць каля 80 ц/га. І аналагічны вынік у ААТ "Казловічы-Агра". У наступным годзе пасевы азімага ячменю тут плануюць значна пашырыць.

"З усіх пазіцый азімы ячмень трэба апрацоўваць. У савецкія часы па-наплявальніцку да гэтага ставіліся. Цяпер і тэхналогіі, і тэхніка, і людзі іншыя. Мы проста можам атрымліваць добрыя ўраджаі ячменю. Так трэба смялей спрабаваць", - падкрэсліў беларускі лідэр. Але павінен быць разумны баланс, папярэдзіў ён, каб у выпадку нізкай ураджайнасці з прычыны дрэнных умоў надвор'я дабраць збожжавы клін за кошт іншых культур.

Акрамя таго, на думку Прэзідэнта, не трэба прымушаць гаспадаркі засяваць пэўныя плошчы азімым ячменем: "Дыснуць ні ў якім разе не трэба. Яны павінны самі вызначыцца з улікам вопыту, колькі апрацоўваць ячменю". Аляксандр Лукашэнка ў цэлым адзначыў, што, калі строга выконваць усе тэхналогіі вырошчвання каласавых збожжавых і атрымліваць высокую ўраджайнасць, то можна ў будучым сеяць менш збожжа, выдзяляць больш плошчаў пад бялковыя культуры. Гэта важна для жывёлагадоўлі, якая мае патрэбу ў якаснай кармавой базе, а таксама зэканоміць значныя сродкі на закупку імпартнага бялку.

Кіраўнік дзяржавы акцэнтаваў увагу на неабходнасці сельгаспрадпрыемстваў да імкнення максімальна забяспечваць патрэбнасці ў кармах і збожжы для патрэб жывёлагадоўлі, у тым ліку браць і асвойваць дадатковыя землі. Можна разважаць, што калі ёсць грошы, то за мяжой купіць, заўважыў Прэзідэнт. "Але ты вывез грошы з краіны, а не інвеставаў грошы ў сваю сельскую гаспадарку. Таму трэба развіваць сваю. І гэта павінна быць на кантролі. Міністэрства (сельскай гаспадаркі і харчавання. - Заўвага.) гэта дакладна павінна кантраляваць. Калі ёсць прыклады добрыя - магутныя гаспадаркі, якія забяспечваюць сябе збожжам.Канешне, калі ёсць грошы, можна вывезці іх і купіць дзесьці збожжа.Ну так свае (палі. - Заўв.) трэба даводзіць хоць бы да 50 ц/га.Тады сельская гаспадарка будзе развівацца. Гэта вельмі важнае пытанне цяпер. А то мы капейкі шукаем, каб укласці ў нейкія стратныя (прадпрыемствы. - Заўвага), а сотні мільёнаў долараў вывозяць за межы краіны", - падкрэсліў Аляксандр Лукашэнка.

Закраналася таксама тэма рэгулявання цэн на прадукцыю аграпрамысловых прадпрыемстваў. Аляксандр Лукашэнка звярнуў увагу, што у цяперашніх умовах разам з імкненнем забяспечыць максімальна высокі прыбытак ад рэалізацыі вырабленай сельгаспрадукцыі, у тым ліку і на знешнія рынку, нельга забываць і аб сацыяльным аспекце, насычэнні ўнутранага рынку, інтарэсах дзяржавы, дзякуючы падтрымцы якога ў свой час выдзяляліся значныя фінансавыя рэсурсы для развіцця сельгаспрадпрыемстваў. . "Надбаўкі даём? Крэдыты даём танней? - рытарычна спытаў Кіраўнік дзяржавы. - Яны "вялікія"... "Мы ў Расію завязем, там даражэйшыя". Гэта што, яны рынак забяспечылі? Гэта дзяржава рынак забяспечыла".

Асобна Прэзідэнт пацікавіўся тэмпамі росту аб'ёмаў вытворчасці сельгаспрадукцыі ў цэлым па краіне і тым, як рэалізуюцца планы па павелічэнні ВУП галіны на 4 працэнты ў параўнанні з узроўнем мінулага года. Было даложана, што сёлета паказчыкі па ўраджаі збожжавых культур будуць лепшыя за ранейшыя, набірае абароты таксама вытворчасць малака. Што да галін птушкагадоўлі і свінагадоўлі, у якіх раней назіраліся праблемы, то яны ўжо выходзяць на стабільную працу.

Пасля прыезду ў гаспадарку ў Слуцкім раёне Аляксандр Лукашэнка найперш падрабязна распытаў кіраўнікоў, як і за кошт чаго плануецца забяспечваць далейшы прырост, акцэнтаваў увагу на неабходнасці інтэнсіфікаваць вытворчасць. ААТ "Казловічы-Агра" моцнае прадпрыемства, але, упэўнены Кіраўнік дзяржавы, не дастаткова загружана. Галоўнае - у сярэднетэрміновай перспектыве павялічыць удвая пагалоўе буйной рагатай жывёлы і дойнага статка. "У гэтым тваё выратаванне і рэнтабельнасць", - падкрэсліў Кіраўнік дзяржавы, звяртаючыся да кіраўніка прадпрыемства.

Абмяркоўваецца таксама магчымасць узбуйнення і далучэння да прадпрыемства дадатковых сельгасугоддзяў. Побач з полем азімай пшаніцы Прэзідэнт наведаў новы малочнатаварны комплекс "Лясуны", пабудаваны пераважна за ўласныя сродкі прадпрыемства і ўведзены ў эксплуатацыю ў пачатку чэрвеня гэтага года. Да гэтага часу на ферме змяшчаецца 10 працэнтаў пагалоўя асноўнага статка пры праектнай магутнасці 800 галоў і з перспектывай павелічэння да 1,5 тыс.

Абмяркоўваючы з падачы губернатара Мінскай вобласці Аляксандра Турчына тэму фінансавання і падтрымкі далейшага будаўніцтва такіх комплексаў у іншых гаспадарках, Прэзідэнт падкрэсліў, што такая падтрымка павінна быць выбарчай - там, дзе ёсць перспектывы і можна разлічваць на добрую аддачу. "Падтрымаем. Але павінен быць вынік", - сказаў ён. Прэзідэнт агледзеў комплекс, абмеркаваў з кіраўнікамі практычныя аспекты далейшай работы. "Гэта добры варыянт. Калі ён аптымальны па грашах, гэта добры варыянт", - сказаў Аляксандр Лукашэнка. Перспектывы, паводле слоў Кіраўніка дзяржавы, ляжаць у тым ліку ў рэчышчы далейшага ўкаранення тэхналогій, рабатызацыі працэсаў. У канчатковым выніку гэта дае большую рэнтабельнасць і патрабуе менш працоўных рэсурсаў, пошук якіх месцамі абцяжараны.

Яшчэ адзін момант - неабходнасць павышэння ўзроўню патрабавальнасці па ўсёй кадравай вертыкалі на месцах, каб кіраўніцтва добрых гаспадарак не расхалоджваць прыкладам работы больш слабых. "Гэтага дапускаць нельга", - падкрэсліў беларускі лідэр. Кіраўнік дзяржавы станоўча ацаніў гаспадарскі падыход кіраўніцтва прадпрыемства да будаўніцтва жывёлагадоўчых памяшканняў. Многае робіцца гаспадарчым спосабам, што ў тым ліку эканоміць сродкі. У гэтым жа рэчышчы ляжаць патрабаванні Прэзідэнта і ў сферы імпартазамяшчэння. "Усё павінна быць сваё. Калі мэту паставілі - будзе", - звярнуў увагу Кіраўнік дзяржавы, адзначыўшы, што гэта датычыцца не толькі канкрэтнага прадпрыемства або сельскай гаспадаркі, але і іншых сфер.

"Дзякуй. Не дарма прыехаў", - падзякаваў у завяршэнне Прэзідэнт. Прэс-служба Прэзідэнта Беларусі