БДАТУ адчыніў дзверы для журналістаў: старт уступнай кампаніі ў фокусе!

20 сакавіка 2025 года ДУ "Нацыянальны прэс-цэнтр Рэспублікі Беларусь", Беларускі дзяржаўны аграрны тэхнічны ўніверсітэт сумесна з Міністэрствам сельскай гаспадаркі і харчавання Рэспублікі Беларусь арганізавалі і правялі выязное мерапрыемства для беларускіх журналістаў.

Падчас прэс-тура адбылася сустрэча з кіраўніцтвам універсітэта, прафесарска-выкладчыцкім складам і студэнтамі. Госці наведалі навучальныя аўдыторыі, пазнаёміліся з сучасным абсталяваннем і даведаліся пра інавацыйныя метады навучання.

Прадстаўнікі СМІ змаглі атрымаць інфармацыю з першых вуснаў аб перавагах навучання ў БДАТУ, задаць пытанні аб мэтавым наборы і падтрымцы маладых спецыялістаў. Мерапрыемства стала пляцоўкай для абмеркавання актуальных пытанняў падрыхтоўкі кадраў для аграпрамысловага комплексу Беларусі.

Белпрэсцэнтр