Асаблівае мастацтва: У Прэзідэнцкай бібліятэцы адкрылася выстава "Новыя гарызонты"

5 лютага ў Прэзідэнцкай бібліятэцы Рэспублікі Беларусь адбылося ўрачыстае адкрыццё мастацкай выстаўкі "Новыя гарызонты".

На выстаўцы прадстаўлены работы падапечных аддзялення сацыяльнай рэабілітацыі інвалідаў Салігорскага раённага тэрытарыяльнага цэнтра сацыяльнага абслугоўвання насельніцтва. Гэта мастакі з няпростым лёсам, якія, пераадольваючы жыццёвыя перашкоды, дэманструюць дзіўную сілу духу і шчыры запал да творчасці.

Дырэктар бібліятэкі Алена Секач падкрэсліла асаблівую значнасць падзеі:
“Гэта вельмі важна для нашага грамадства, для нашых чытачоў і, канечне, для саміх мастакоў. Для іх вялікі гонар, што іх работы выстаўлены ў сценах Прэзідэнцкай бібліятэкі пасля Палаца Незалежнасці. Яны з вялікім захапленнем прынялі наша запрашэнне. Як вы можаце заўважыць, яны малююць нашую радзіму, Беларусь, якую вельмі любяць».

Яна адзначыла, што бібліятэка - гэта не толькі сховішча ведаў, але і, у першую чаргу, прастора для сустрэч і чалавечага ўзаемадзеяння. Асаблівым людзям неабходны пастаянныя, а не выбарачныя, ўвага і паўнацэнны ўдзел у грамадскім жыцці.

Белпрэсцэнтр